«Бөрбаш» хуҗалыгына яңа җитәкче билгеләнде

Озак еллар «Бөрбаш» хуҗалыгын җитәкләгән Рафис Фарадис улы Солтанов лаеклы ялга китү сәбәпле, хуҗалыкка яңа җитәкче – Азат Вагыйз улы Латыйпов билгеләнде.

Бу хакта район җитәкчеләре белән узган атналык киңәшмәдә район башлыгы Рамил Нотфуллин җиткерде.

- Яңа хезмәт коллективы белән уртак тел табып, әйдәп баручы хуҗалыклардан үрнәк алып, өлкән остаз ирешкән биеклекләрне саклап эшчәнлек алып баруыгызны телим, – диде Рамил Нотфуллин Азат Вагыйзовичка.