Балтач мәктәбе укучылары - «Интрометида» чемпионаты җиңүчеләре

1 март көнне Иннополис лицеенда авыл мәктәпләре укучылары арасында интеллектуаль уеннар буенча «Интрометида» исеме астында Татарстан Республикасы Чемпионаты узды.

Ярышка төбәкнең иң яхшы мәгариф учреждениеләре вәкилләре җыелды, алар гуманитар фәннәр, математика һәм иҗат өлкәсендә үзләренең осталыкларын һәм эрудицияләрен күрсәттеләр.

Ике яшь категориясендә (8-9 һәм 10-11 сыйныфлар) Балтач мәктәбе укучылары җиңүче булдылар. Командалар бик яхшы белем һәм хәтта катлаулы ситуацияләрдә дә дөрес чишелешләр табу сәләтен күрсәттеләр. Барлык катнашучылар да лаеклы бүләкләр һәм дипломнар алдылар, чара дәвамында үзара ярдәмләшү рухын ассызыкладылар.

Җиңүчеләрне һәм аларның остазлары Люция Рәшид кызы  Шәйхетдинова, Фәнүзә Коттус кызы Гыйматова, Ләйсән Рәис кызы Әминованы ихластан котлыйбыз!