Һәр эш бирүче хезмәткәргә диспансеризация узу өчен көннәр бирергә тиеш
Бүген Балтач район Советында узган атналык киңәшмәдә оешма-предприятиеләр җитәкчеләре алдында «Балтач үзәк район хастаханәсе»нең баш табибы Рамил Рәфхәт улы Сәфәров чыгыш ясады. Ул хезмәткәрләрнең диспансеризация узу мөһимлегенә аерым игътибар бирде.
«Диспансеризация – бушлай медицина процедурасы, ул үз эченә ике төп этапны ала. Сәламәтлек турында кайгыртуны кичектерергә кирәкми. Хастаханәгә килеп, кыска вакыт эчендә сез һәм Сезнең хезмәткәрләр сәламәтлеге турында тулы мәгълүмат ала алачаксыз", - диде Рамил Рәфхәт улы үзенең докладында.
Һәр эш бирүче хезмәткәргә диспансеризация узу өчен көннәр бирергә тиеш. Моның өчен хезмәткәргә җитәкчелек белән конкрет көнне алдан килештерергә, гариза язарга, ә аннары тиешле боерык чыгарырга кирәк.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев