Табиб шешенү сәбәпләрен аңлаткан

Эндокринолог Камилә Тәбиева шешенүнең төп сәбәпләрен аңлатты. Ул әйтүенчә, шешенү йөрәк-кан тамырлары, калкансыман биз, ашкайнату, лимфа һәм бәвел системаларындагы проблемалар аркасында барлыкка килә, дип яза Ватаным Татарстан.

Күпчелек очракта бу кан тамырларының яки йөрәкнең җитешсезлекләре (варикоз, миокардның кысу сәләтенең кимүе) белән бәйле. Шешенкелек кичен арта, бу хәлсезлеккә һәм сулыш кысылуга китерергә мөмкин.

Бөер җитешсезлекләре вакытында шешенү иртән барлыкка килә һәм кичен бетә.

Ашкайнату органнары проблемалары (бавыр циррозы) да шешенүгә сәбәп була.

Калкансыман бизнең начар эшләве (гипотериоз) дә шешенүне китереп чыгара, бу очракта шеш бөтен тәнгә таралуы мөмкин.