«Факел»да мөмкинлекләре чикләнгән балалар өчен рус шашкасы буенча турнир узды

Агач исе, шашкаларның шома булуы, киеренке тынлык — болар барысы да «Факел» клубы диварларында үзенчәлекле атмосфера тудырды. Мөмкинлекләре чикләнгән балалар өчен рус шашкасы буенча турнир узды.

Яшь катнашучыларбщйге барышында кагыйдәләрне белүләрен генә түгел, ә стратегик фикерләүләре белән дә шаккатырдылар, йөрешләрне исәпли белүләрен һәм стандарт булмаган чишелешләр таба белүләрен дә күрсәттеләр. 

Турнир нәтиҗәләре буенча урыннар түбәндәгечә бүленде:

• 1 урын — Сибгатуллина Динә, Александров Максим
• 2 урын — Камалетдинова Эльвина, Гаврилов Данияр
• 3 урын — Николаева Азалия, Вәлиев Раян, Хәбибуллин Искәндәр.

Олы йөрәкле, һәрчак ныклы таяныч булган волонтерлар исә балаларга ярыш вакытында һәрчак ярдәм кулы сузды. Аларның катнашуы бәяләп бетергесез иде: волонтерлар шахматчыларга авыр хәлләрне ачыкларга булыштылар, уңышсыз партияләрдән соң күңелләрен күтәрделәр. Кыскасы, уеннар вакытында җылы һәм дустанә шартлар тудырдылар.