Татарстанда урыны белән синоптиклар кыраулар булыр дип фаразлый

6-7 градуска югарырак температуралы коры һәм җылы һава торышы татарстанлыларны тагын бер-ике көн сөендерәчәк. Фаразлар белән республиканың Гидрометеорология үзәге уртаклашты.

29 һәм 30 сентябрьдә явым-төшем көтелми. Ләкин һава температурасы акрынлап төшә башлаячак. 29 сентябрь төнендә термометрлар +1 дән +6 градуска кадәр, көнбатышта +12 градуска кадәр күрсәтәчәк. Көндез баганалар +17...+22 градуска кадәр күтәреләчәк. 30 сентябрьдә урыны белән һавада һәм туфракта -2 кадәр катыру көтелә. Көндез +15...+20 градуска кадәр җылыта.

1 октябрь төнендә дә явым-төшем көтелми. Температура +1+ + 6 градус булачак. Көндез урыны белән бераз яңгыр явачак, һава максимум +12...+17 градуска кадәр җылыначак.

Татарстан Гидрометүзәгенең башлангыч фаразы буенча, җомга һәм ял көннәрендә, 2-4 октябрьдә, төньяк һава агымнары аркасында төнлә температура тискәре күрсәткечләргә кадәр төшәчәк, көндез +4+ + 9 градустан югары булмаячак. Урыны белән бераз яңгыр булыр дип фаразлана.

Вечерняя Казань