Сүндерелмәгән тәмәке аркасында ике кеше һәлак булган

Кичә Татарстанның Лаеш районындагы Титәй авылында дача йортларының берсендә янгын чыккан, дип яза «Татар-информ».

Янгын сүндерүчеләр килгәндә, ике катлы кирпеч йорт янган.

«Татар-информ»га Россия гадәттән тыш хәлләр министрлыгының ТР буенча Баш идарәсендә сөйләүләренчә, янган конструкцияләрне тикшергәндә янгын сүндерүчеләр 60 яшьлек ир-ат һәм хатын-кызның мәетләрен тапкан.

Янгынның беренчел сәбәбе – тәмәке тартканда ут белән саксыз эш итү, диелә хәбәрдә.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.