Якыннарыбызны югалту бик авыр

6 декабрь көнне гаиләбез зур югалту кичерде: озак авырудан соң кадерле кызыбыз Лилия мәңгегә күзләрен йомды.

Авыр минутларда рухи һәм матди ярдәм күрсәткән улыбыз Илфат, киленебез Эльвинага, якыннарыбызга, туганнарыбызга, күршеләребезгә, кызыбызның сыйныфташларына, хезмәттәшләре «Майский» җәмгыяте коллективына, «Сорнай» җәмгыятенә, район үзәк хастаханәсе һәм ашыгыч ярдәм бүлегенә олы рәхмәтләребезне белдерәбез. Берегезгә дә бала хәсрәтләре күрергә язмасын. Һәрберегезгә имин елларда сау-сәламәт булып яшәргә язсын.

Венера һәм Мидхәт Фазыловлар.