ТОМАТ СОГЫНДА КЫЯР

2 кг кыяр, 1 кг помидор, 5-6 тырнак сарымсак, 1,5 аш кашыгы тоз, 110 г шикәр комы, 0,5 стакан үсемлек мае, 3 аш кашыгы (50 мл) 9 %лы аш серкәсе.
Кыярны юып, баш-башын кисәргә һәм түгәрәкләп турарга. Помидорны юып, берничә кисәккә бүлгәләргә һәм иттарткычтан чыгарырга. Томатка тоз, шикәр комы һәм үсемлек мае кушып, яхшылап болгатырга. Туралган кыярны салырга һәм талгын утта 10 минут кайнатырга. Сарымсак, аш серкәсе өстәп, тагын 5 минут кайнатырга.
Стерильләштерелгән банкаларга тутырып, капкач белән капларга.

Гөлнара ГАБДУЛЛИНА

Чыганак