Анай кылъя дышетӥсьёс вожвылъяськизы (фото)
28-29-тӥ южтолэзе Казаньын анай кылъя но литературая дышетӥсьёслэн мастер-классъя «Туган тел» шуыса нимаськем Всероссийской конкурссылэн йылпумъян этапез ортчиз.
Вожвылъяськонлэн финал этапаз Россилэн пӧртэм улосъёсысьтыз анай кылъя но литературая 50 дышетӥсь пыриськем, соос пӧлысь 40-эз — Татарстанысь, со чотын 17 бигер кылъя, 9 ӟуч кылъя, 9 чуваш кылъя, 3 пор но 2 удмурт кылъя дышетӥсьёс. Удмурт кылъя дышетӥсьёслэн одӥгез асьмелэн аспалмы — Покчи Лӧзя шоръёзо школаысь дышетӥсь Ольга Пчельникова.
Кык нунал ӵоже дышетӥсьёс жюри азьын асьсэлэсь тодэм-валамзэс но устолыксэс возьматӥзы. Нырысетӥ нуналаз мастер-класс ортчытӥзы, нош кыкетӥяз внеурочной ужъя проектъёссэс утизы. Ольга Мироновна жюрилэн членъёсызлы «Пайдаё лыдӟиськонлэн амалъёсыз» шуыса нимаськем мастер-класс но удмурт калык дӥсьлы но чеберманъёслы сӥзем проектсэ ӵектыса, вожвылъяськонэ пыриськемез понна дипломен пусйиськиз.
Та конкурс «2014-2022 аръёсы Татарстан Республикалэсь кун кылъёссэ но мукет кылъёссэ утён, дышетон но азинтон» кун программаез улонэ пыӵатонэн валче ортчытӥське. Солэн валтӥсь ужпумез Россиысь калыкъёслэсь кыл но лулчеберет пӧртэмлыксэс утён но азинтон луэ, озьы ик анай кылъёсъя дышетӥсьёслэсь инлыксэс (статуссэс) ӝутон, педагогической опытэз но ӧнеръя устолыкез вӧлмытон.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев