Ӟаныын дышетӥсьёслэн семинарзы ортчиз (фоторепортаж)

Ӟаны школаын дас одӥг гуртысь нылпиос дышетско. Соос пӧлын удмуртъёс но, бигеръёс но вань. Школа удмурт культурая центр луэ бере, нылпиос ваньзы удмурт калыклэн сям-йылолъёсыныз матысен тодматско, соин герӟасько, озьы ик мыло-кыдо пырисько школаысь “Инвожо” ансамбле но. Ӵапак семинаре лыктэм куноосты но “Инвожо” ансамбль пумитаз. Собере школаысь “Даур куара” шаертодонъя (краеведческой) музейын куноос понна экскурсия радъяськиз, кытын соосты удмуртъёслэн улонэнызы герӟаськем экспонатъёсын тодматӥзы. Ӟаны школалэн выпускникъёсыныз — Россилэн Героезлэн Олег Исаевлэн, гожъяськисьлэн Николай Никифоровлэн улонэнызы тодматскизы. 1-тӥ, 7-тӥ, 9-тӥ но 11-тӥ классъёсын “Эшъяськон пальпотонысен кутске”, “Ми пӧртэмесь, но озьы ке но ми ӵош”, “Калыкъёслэн эшъяськоназы асьмелэн кужыммы” шуыса нимаськись классной часъёс ортчизы.  Огъя вераса, классной часъёс пӧртэм калыкъёс пӧлын эшъяськонлы сӥземын вал. Внеклассной ужрадын Анай кылъёслы но калык огазеяськонлы сӥзем арез усьтӥзы. Со “Туган тел” кырӟанэн йылпумъяськиз, кудзэ удмурт но бигер кылын быдэстӥзы.

Удмурт калык кухня туж пӧртэмлыко, тае ужрадэ пыриськемъёс адӟытонын эшшо огпол валаны быгатӥзы. Мылкыд карисьёс узыр ӝӧк вылысь асьсэлы кельшымон котькуд пӧраськемез веръяса утизы. Нош йылпумъяськиз сӥё-дано ужрад котырес ӝӧкен. Собере семинаре пыриськем муртъёсты ческыт ӝӧк сьӧрын куноязы. Малпаськом, лыктэм куноослы ортчытэм ужрадмы кельшиз шуыса. Соос быгатӥзы матынгес тодматскыны удмурт калыклэн лулчеберетэныз: жингрес кырӟанъёсыныз но капчи эктонъёсыныз, ческыт сиён-юонэныз но чебер дӥсеныз.

Олеся Яковлева

Туспуктэмъёс авторлэн