Чылкыт но сайкыт праздник
Коньывуонлэн кутсконаз арлыдоослы сӥзем нуналэз пусъён чебер сямлы пӧрмиз. Та нунал дано, гажамон, визьмо, арессы шоры учкытэк, чидась но юн луыса кылем муртъёслы — бадӟым букваен адямиослы сӥземын.
Арлыдо адямилэн нуналэз — чылкыт но сайкыт праздник, анай-атайёсмылэн, песянай-песятайёсмылэн нуналзы. Та праздник обществолы гинэ ӧвӧл, матысь ӵыжы-выжыослы но тодэ уськытэ, вӧзамы саклык висъямез но сюлмаськонэз кулэ карись адямиос уло шуыса.
Та нуналэ ортчытоно праздник ужрадъёс арлыдоослы сюлмысь шутэтскыны, ог-огенызы вераськыны, куд-огезлы оген улонэз вунэтыны луонлык сёто.
Ӵапак тае лыдэ басьтыса, 1 коньывуонэ Шор Кушкет гурт клуб школаен ӵош «Ѓечезлэн но гажанлэн нуналэз» ним улсын праздник концерт ортчытӥзы. Ужрад школалэн директорезлэн Константин Викторович Граховлэн но «Дуслык» обществолэн кивалтӥсезлэн Николай Григорьевич Колоколовлэн ӟечкыланъёссы бордысен кутскиз. Художественной самодеятельносте пыриськисьёсын но школаын дышетскисьёсын дасямын вал пуштросо праздник концерт. Концерт бере вань ӧтем куноосты столовойын ӝӧк сьӧры люказы. Праздник школа фойеын эктонъёсын но кырӟанъёсын йылпумъяськиз. «Дуслык» общество Шор Кушкет поселениысь пенсионеръёслы кузьымъёсын пакетъёс но сётӥз.
Алевтина Иванова
Туспуктэмъёс Алевтина Ивановалэн но Юлия Тимофеевалэн
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев