Дина Михайлова — «Чеберина – 2023»

Сюлмысь ӟечкыласькомы Динамес та вормонэныз! Таӵе азинсконъёсыз азьланяз эшшо но трос мед луозы.

Дина Михайлова — Ӟаны гуртысь 17 аресъем нылаш. Туэ 11-тӥ классэз йылпумъяз. Та усто нылашез ёросамы тодӥсьтэмез ӧжыт, дыр. Со, Балтасьын но солэн палэназ ортчись пӧртэм творческой ужрадъёсы пыриськыса, аслаз муспотон пальпотонэныз, бубыли кадь капчи эктэменыз, ассэ воземеныз сценаез чебертэ. Азьпал улонзэ но егит нылмурт сценаен, эктонэн герӟаны малпа вылэм. Мед быдэсмозы чебер малпанъёсыз Диналэн, азьланяз но сое сцена вылысь адӟыны мед кылдоз.

Ӟаны гурт чебер но усто нылъёслы узыр. Одӥгез соос пӧлысь Алёна Анисимова. Со но «Чеберина» вожвылъяськонын аслэсьтыз устолыксэ но быгатонлыксэ возьматӥз, учкисьёсты но жюрилэсь ёзчиоссэ чебер выступлениеныз шумпоттӥз.

Нош «Батыръёслэн» вожвылъяськонзы сярысь верано ке, «Батыр – 2023» нимен пусйиськиз Кукмор ёросысь Вужгуртысь Андрей Трофимов. Балтась ёрослэсь данзэ та конкурсын Ӟаны гуртысь Павлов Роман утиз. Таяз радэ солы вормыны ӧз кылды ке но, оскиськом, та вожвылъяськон егит пилы вуоноын вормонъёсы вутскон понна мылкыд сётӥз, дыр, шуыса.