Григорий Сергеевич Медведевлы — 120 ар (фото)
Дано аспалмылэн, тодмо удмурт писательлэн вордскем музъемаз Санкт-Петербургын улӥсь правнучкаез Марина Варламова вуылӥз.
Туннэ, 5-тӥ южтолэзе, Покчи Лӧзя шоръёзо школаын Григорий Сергеевич Медведевлы сӥзем лыдӟонъёс — исследовательской но творческой ужъёсъя улоскуспо научно-практической конференция ортчиз.
Таӵе ужрад ортчытӥськиз нырысетӥзэ. Со сӥземын асьме аспалмы, тодмо удмурт писатель, «Лӧзя бесмен» трилогилэн авторез Григорий Сергеевич Медведев вордскем дырысен 120 ар тырмонлы. Конференцие пыриськизы дышетскисьёс но дышетӥсьёс.
Ужрадлэн валтӥсь куноез луиз Г. Медведевлэн правнучкаез Марина Варламова (Евстафьева). Конференцие пыриськем сяна, со пересь песятаезлэн вордскем юртэз доры ветлӥз, Ципья черкогуртэн тодматскиз, Ципья шоръёзо школаын луыса, дышетскисьёсын пумиськиз, «Калыкъёслэн эшъяськонзы» шаертодонъя музее пыраз.
Научно-практической конференцилэн ужаз озьы ик литературовед, педагогика наукаосъя кандидат, удмурт литературая программаосты но дышетскон книгаосты кылдытон бордын ужась, Удмурт Элькунысь калыкез дышетон удысысь сӥё-дано ужась, Удмуртиысь Кун премилэн лауреатэз Светлана Арекеева, Татарстанысь удмуртъёслэн НКА-зылэн исполнительной директорез Ольга Иванова, ёросысь дышетонъя управленилэн кивалтӥсез Ринат Мухарлямов но йӧскалык дышетонъя методист Фидания Сабирова.
Ужрад сярысь пыр-почгес «Азьлане» газетысь лыдӟыны луоз.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев