Хезмәт

«Медаз гинэ быдтэ фермаез», — шуэ парсьёсты сюдӥсь Галина Туктарова

Галина апай туж кема ужа ини Кушкетысь фермаын, 1987-тӥ арысен.

«Медаз гинэ быдтэ фермаез», — шуэ парсьёсты сюдӥсь Галина Туктарова но, серекъяса ватса на: «Ми пенсие потытозь ке но».

Галина апай туж кема ужа ини Кушкетысь фермаын, 1987-тӥ арысен. Нырысь парсьёсты пиян азязы возён гидын ужам, 1990-тӥ арысен — маточник шуэм гидын, али куайытон гидын тырше вылэм. Татын солы тужгес кельше. «Ваньмы парсьёсын ужаськомы ке но, котькудӥзлэн аслаз ужез вань. Парсьёсын ужан — капчи уж ӧвӧл. Со саклыкез кулэ каре».

Кышномурт Казаньысь СПТУ-ын дышетскем. Галина апай егит дыръяз Казаньын ужам, собере гуртэ бертыса, Кушкетэ улыны интыяськем. «Зэм, ужмес капчи шуыны нокызьы уг луы. Механизированной оборудованиен герӟаськемын ӧвӧл ук. Но одӥг ужаны дышем бере, нокыӵе уг йӧты ни. Мед улоз али ферма, со ведь кӧня адямилы ужан инты сётэ», — шуэ Галина Туктарова.

Та кылъёсын соглаш луыны кулэ. Кушкетысь парсь фермаын туннэ нуналэ 3621 парсь лыдъяське, сомында пудоез утьыны кулэ ук али! Ваньзэ татын ужало дас укмыс адями. Тросэз соос пӧлысь — кушкетъёс. Умой ук, куке ужед аслад гуртад, нокытчы транспорт утчаса яке пыдын ветлоно ӧвӧл. Ужасьёс пӧлын егитъёс ӧвӧл шуыны кулэ, соос татчы лыктыны уг дырто. Нош тани мынам собеседникъёсы — гуртлэн зэмос патриотъёсыз. Кушкетын уло, фермаын ужало, нокыӵе ужлэсь уг кышкало, «фермаын зын» но уг шуо. Кивалтэтэн но, валче ужасьёсынызы но кусыпъёссы умой, шӧдске. «Кивалтӥсьмы йӧно, куарамес кылзэ», — веразы парсь сюдӥсьёс.

Доразы но Туктаровъёс пудо вордо.

— Гуртын пудотэк уг луы. Гуртын улыса, кызьы пудо уд ворды, — шуэ Галина Туктарова.

Галя апайлэн кузпалыз «Дуслыкын» тракторист луыса ужа. Соослэн куинь нылпиоссы вань. Ваньмыз анай-атай юртысь кошкыса, асьсэ семьяоссэс кылдытыса уло. Кык внучказылы но одӥг внуксылы шумпотыса уло соос.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: