Хезмәт

Балтач районы

18+
2024 - Гаилә елы
Азьлане

Таиз ар Татарстанын анай кылъёслы но калык огазеяськонлы сӥземын

23 толшоре Казаньысь Эшъяськон юртын ортчем вал элькунысьтымы удмуртъёслэн НКА-зылэн правлениезлэн отчёт заседаниез.

Ужрадэ пыриськизы Татарстан Республикаысь Президентлэн пуш политика ужпумъёсъя департаментысьтыз йӧскалык политикаез улонэ пыӵатонъя управленилэн кивалтӥсез Данил Мустафин но Управлениысь валтӥсь кенешчи Марина Иванова, Татарстанысь Калыкъёслэн Ассамблеязылэн Кенешезлэн Исполкомезлэн кивалтӥсез Константин Яковлев, Татарстанысь Эшъяськон юртлэн директорез Ирек Шарипов, ТР-ысь дышетонъя но наукая министрлэн воштӥсез Минзалия Закирова, ТР-ысь Общественной палаталэн Председателезлэн воштӥсез Тимур Кадыров, ТР-ысь удмуртъёслэн национально-культурной автономизылэн тӧроез Андрей Герасимов. Озьы ик та люкаськонэ ӧтемын вал ёросъёсысь удмурт НКА-ослэн кивалтӥсьёссы но нылпи садъёсысь визьнодасьёс. Пандемиен сэрен, куд-огез заседанилэн ужаз онлайн амалэн ZOOM вамен гинэ пыриськиз. Ужрадлэн дуно куноосыз луизы Удмурт Элькунысь йӧскалык политикая министр Лариса Буранова, «Удмурт Кенеш» огазеяськонлэн тӧроез Татьяна Ишматова, Удмуртиын улӥсь камсьӧр удмуртъёслэн центрзылэн кивалтӥсез Флюра Чибышева, «Вордскем кыл» журналлэн валтӥсь редакторез Александр Корепанов но валтӥсь редакторлэн воштӥсез Андрей Клементьев.

Асьме ёросысь элькунысьтымы удмуртъёслэн НКА-зылэн правлениезлэн отчёт заседанияз пыриськиз вить мурт: «Кенеш» НКА-лэн тӧроез Ольга Пчельникова, солэн кивоштӥсез Наталия Антонова но Шор Кушкет, Ярак-Чурма, Вылын Ушма нылпи садъёсысь визьнодасьёс.

— Валамон ни, пукетлэн (заседанилэн) валтӥсез эскероно ужпумез луиз ортчем 2020 арын ужамлы йылпумъянъёс лэсьтон но алиезлы, 2021 арлы, планъёс тодмостон. Та пумысен вераськиз ТР-ысь удмуртъёслэн НКА-зылэн правлениезлэн тӧроез Андрей Герасимов. Нимысьтыз пусйыны луысал «Вордскем кыл» журналлэн коньывуон толэзе потэм спецномерезлы презентациез. Со номер быдэсакен сӥземын Татарстанысь удмурт кылэз азинтӥсьёслы (дышетӥсьёслы-визьнодасьёслы). Шумпотымон, отчы асьме ёросысь дышетон но визьнодан удысын ужасьёслэн но ужъёссы пыризы, — ивортӥз ужрадэ пыриськем Наталия Антонова. Озьы «Вордскем кыл» журналлэн  со номерезлэн бамъёсаз шедьтыны луоз Шор Кушкет школаысь дышетӥсьёслэсь Людмила Игнатьевалэсь но Галина Евдокимовалэсь 3-тӥ класслы дасям внеклассной лыдӟонъя уроксэс, озьы ик Шор Кушкет нылпи садысь визьнодасьлэсь Людмила Якимовалэсь дышетонъя конспектсэ но ваньмылы тодмо ветеран дышетӥсьлэсь Василий Никитинлэсь Шор Кушкет школалэн музеез сярысь гожтоссэ. Ӟечкыласьком соосты.

«Вордскем кыл» журналлэн валтӥсь редакторез Александр Корепанов таукарон кылъёссэ вераз нырысь ик Татарстанысь удмуртъёслэн огазеяськонзылэн тӧроезлы Андрей Сергеевич Герасимовлы, озьы ик спецномерез дасянэ мыло-кыдо пыриськем удмурт кылъя но литературая дышетӥсьёслы но визьнодасьёслы, азинлыко ужамзэс Таукарон гожтэтъёсын пусйиз.

Туэ Татарстанын удмурт нылпи садъёсын ужась визьнодасьёс понна «Устоез визьнодась» элькун конкурс радъяськоз шуыса ивортӥськеммы вал ини. Эшъяськон юртын ортчем ужрадын со сярысь нош ик вераськон потӥз. Конкурс куинь этапен ортчоз шуыса витиське.

— Мур пуштросъем докладъёсты кылзӥмы, тужгес сюлэмшугъяськымонэз: Бавлы ёросын удмурт кылэз дышетскисьёс быро вылэм. Сюлэмез вӧсь карись малпан кылдӥз: кӧня ке арскын асьме доры но та куректон уз вуы меда? Бавлыослэсь докладзэс кылзэм бере таӵе йылпумъян лэсьтыны луэ кадь: удмурт кылэз аналто суро семьяын вордскем пиналъёс, малы ке шуоно анай-атайёс пиналзэс ӟучен вераськытыса будэто. Та ласянь Ишматова Татьяна Витальевна ӵектӥз, анай-атайёс, калык пӧлын валэктон уж нуыны, — маде лэчыт ужпум сярысь Наталия Львовна. — Туннэ нуналлы асьме ёросамы но удмурт нылпи садъёсын анай кылъя занятиос уг нуисько. ФГОС стандартъя школаосын тырмыт ӧвӧл удмурт кылъя но литературая учебникъёс, учебно-методической пособиос но мукет. (Та юанэн министрлэн воштӥсезлы вазиськыса, ужпум вырӟиз, лэся. Книгаослы заявкаос келямы). Таиз ар Татарстанын анай кылъёслы но калык огазеяськонлы сӥземын бере, вань оскон, удмурт кылэз дышетонлы но удмуртлыкез ӝутонлы нимысьтыз саклык висъяськоз шуыса.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: НКА Кенеш