Хезмәт

Ципьяе но Покчи Лӧзяе удмурт артистъёс вуылӥзы

Кырӟасьёс гурт калыклэсь но люкаськем куноослэсь мылкыдъёссэс выльысь ӝутӥзы

Кемалась ӧвӧл асьме ёросэ Удмуртиысь тодмо но яратоно артистъёсмы — Алёна Тимерханова, Иван Котельников, Андрей Корнилов — вуылӥзы. Но кызьы зэм пусйизы учкисьёс, та ӝытэ концертын Николай Анисимов но Ури-бери Орина уг тырмо вал...

Озьы ке но, концерт туж но туж шулдыр пӧрмиз. Учкисьёс понна чузъяськизы удмурт кырӟанъёс но, ӟучьёсыз но — шӧдске, артистъёслэн репертуарзы арысь аре паськыта, кырӟанъёс пӧртэм арлыдъем учкисьлы кельшымон карыса радъямын. Кырӟасьёслэсь котькуд номерзэс зол кичабемъёс улсын пумитазы, мылкыд карисьёс залын ик эктӥзы но. Концертэз нуисен Екатерина Барановаен ортчытэм шудонъёсы но люкаськем калык мыло-кыдо пыриськиз.

Ужрад туж яркыт но кельшымон пӧрмиз. Татын нылпиос но, егитъёс но, мӧйыос но вань вал. Шӧдскиз, артистъёс но сценалэсь мӧзмиллям, учкисьёс но артистъёслэсь.

Пыр-поч малпаса радъям, вылӥ уровенен ортчытэм концерт пӧрмиз шуыны кулэ. Синмаськымон чебересь артистъёс сцена вылын асьме учкисьёслы нош одӥг пол асьсэлэсь устолыксэс возьматӥзы. Быгатыса ужазы залэн но. Огъя вераса, концертысь котькин тыр мылкыдэн дораз бертӥз, дыр, шуыса малпасько.

Артистъёслэн жингрес куараоссы, шулдыр гуръёссы, ӟырдыт мылкыдъёссы кема возиськозы на учкисьёслэн сюлэмъёсазы.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: