Визьнодась Оксана Галиахметова: «Уж дорын мон визьнодась, нош дорам — анай»

Ӵапак та нуналэ визьнодасьёсты, нылпи садэ ветлӥсь ужасьёсты ӟечкылало, ужан ӧнеразы кылдӥсь шуг-секытъёссы, ужазы луэм шумпотонъёссы но трос мукетэз сярысь верасько. Праздниклы сӥзьыса, Вылын Ушма гуртысь школа-нылпи садын 20 арлэсь тросгес ужась визьнодасен, Оксана Галиахметоваен, вераським.

— Оксана Васильевна, тӥ егит дырысеныды кызьы визьнодась луыса ужаны кутскиды, али но со ик садикын, со ик интыужын тыршиськоды.

— Зэмзэ ке верано, мон дышетскемея технологияя дышетӥсь луисько — школаез йылпумъяме бере Казаньысь Индустриально-педагогической колледжын дышетски. Но гуртын 1997-тӥ арын школа-нылпи сад усьтӥськем бере, отчы визьнодась кулэ луиз. Мон та сярысь тодыса, 1998-тӥ арын отчы ужаны бертӥ (дышетсконме заочно азинтӥ, ини ужакум, 2003-тӥ арын, Казаньысь социально-юридической институтэ педагог-психологлы дышетскыны пыри, вылӥ тодон-валан басьтӥ, 2011-2012-тӥ аръёсы дошкольной аресэн нылпиосты дышетон понна нимысьтыз курсъёсты ортчи). Соку гуртэ ӧй ке но бертысал, малпасько, одно ик улонме нылпиосын герӟаськем ужлы сӥзьысал. Малы ке шуоно мон соосты туж яратӥсько. Садикын уж, валамон, капчи ӧвӧл, арысь аре секытгес но секытгес луэ. Нылпиослэн лыдзы ласянь гинэ но. Азьло, мон ужаны кутскыкум, милям ваньмыз 16 нылпиосмы вал. Нош туннэ нуналэ — 7 гинэ. Но мар луиз ке но, ужме яратӥсько. Ӧй ке яратысал, сомында ар татын ӧй ни ужасал.

Интервьюез пыр-поч "Азьлане" газетысь лыдӟыны быгатоды.