Хезмәт

Менә сиңа табиб хатасы!

Табибларның игътибарсызлыгы нәтиҗәсендә авыру берничә ел тән сызлануларына дучар булган.

Учалы районында яшәүче хатын суд ярдәмендә урындагы дәваханәдән 500 мең сум акча алырга ниятли.

Зарар күрүче 2016 елда операция кичергән. Әмма операциядән соң авыруның эче, биле авырта башлый. Табиблар аңа бик озак диагноз куя алмый. Бу елның мартында гына хатынга “остеохондроз” диагнозы куела. Диагнозның дөрес булуын раслау өчен хатынны магнит-резонанс томографиясе үткәрергә җибәрәләр. Әмма аппарат шунда ук авыру эчендә тимер әйбер барлыгын ачыклый.

- Операция вакытында хатынның эчендә медицина энәсе торып калган. Шунлыктан авыртынулар булган, - ди республика Югары суды хезмәткәрләре.

Хатынның эченнән энә алынган, әмма ул табибларны судка биргән.

http://Фото: pixabay.com

https://kiziltan.ru/

Нравится
Поделиться:
Реклама
Комментарии (0)
Осталось символов: