«Авангард» капитаны Емелинның организмында наркотик матдәләр табылган
Омск клубы уенчысының 3 апрельдә Казанда узган «Ак Барс» ка каршы беренче матчтан соң хәле начарланды.
«Татар-информ» мәгълүмат агентлыгы хәбәр иткәнчә, хәзерге вакытта Мәскәүдә авыр хәлдә булган «Авангард» капитаны Алексей Емелинның организмында наркотик матдәләр табылган.
"Экспертиза нәтиҗәләре килде. Наркотик матдәләрнең эзләре табылды. Тикшерү бара", - дип хәбәр иттеләр» Татар-информ" МА-на Татарстан эчке эшләр министрлыгында. Безнең мәгълүматлар буенча, сүз каннабис (марихуана) һәм героин эзләре турында бара.
Искәртеп узабыз, «Авангард»ның 34 яшьлек капитаны Алексей Емелин плей-оффның ярымфинал сериясенең «Ак Барс»ка каршы беренче матчыннан соң үзен начар хис итте. Уен 3 апрельдә Казанда узды. Икенче көнне хоккейчы РКБ-2дә хастаханәгә салына. Татарстан медиклары куйган беренчел диагноз — токсик гепатит.
Емелинны реанимобильдә Казаннан Мәскәүгә җибәргәннәр һәм 15 сәгатьтән соң аны Склифосовский исемендәге ашыгыч ярдәм институтына илткәннәр.
Соңрак хоккейчыга бавыр күчереп утыртырга кирәк булуы мөмкин дигән мәгълүмат пәйда булды.
Тулырак: Татар-информ
Фото: https://www.hawk.ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев