Хезмәт

"Чит илгә чыгуым беренче тапкыр..." (+фото)

Польшаның Млава шәһәрендә, мөмкинлекләре чикле кешеләр арасында, “Рус шашкасы буенча дөнья кубогы” дигән ярышлар булып узды. Биредә төрле илләрдән 9 команда җыелган, 130 га якын спортчы катнашкан.

21нче августтан 30 нчы август көннәрендә Польшаның Млава шәһәрендә, мөмкинлекләре чикле кешеләр арасында, “Рус шашкасы буенча дөнья кубогы” дигән ярышлар булып узды. Биредә төрле илләрдән 9 команда җыелган, 130 га якын спортчы катнашкан. Кариле авылыннан Чулпан Габделганиева 19 хатын-кыз арасында шашка уйнап, 3нче урынны яулады. Россия командасы 2 нче урынга чыккан, кубок, медаль һәм дипломнар белән бүләкләгәннәр үзләрен.

”Чит илгә чыгуым беренче тапкыр гына, – ди тәвәккәл райондашыбыз. – Рәсәйдә урыннар алып тәҗрибә туплый башлагач, Европага да чыгып карарга кирәк дип хыяллана башладым. Әлбәттә, монда бик зур тәҗрибәле, көчле уенчылар килә. Бөтендөнья буйлап катнашып җиңгән кешеләр. Шуңа күрә шактый еллар үземә дә нык әзерләнергә туры килде. Аллага шөкер, ярыш ахырында нәтиҗәләр унышлы булды, беренче тапкыр катнашып, 3 нче урын булса да, бик шатландым. Әлеге уңышларымның шатлыгы белән район җитәкчеләре дә Балтач чигендә каршылап уртаклаштылар. Рәхмәт”.

Үзеңә рәхмәт, Чулпан! Районга дан алып кайтканың өчен! Әле алга таба беренче урынны да алу бәхетенә ирешерсең, Алла боерса.

 

Реклама
Нравится
Поделиться:
Реклама
Комментарии (1)
Осталось символов:
  • 13 сентябрь 2018 - 12:08
    Без имени
    Хөрмәтле авылдашым Чулпан! Чын күңемнән котлыйм Сезне зур уңышларыгыз белән! Сезгә сәламәтлек, бәхет, шатлык, тыныч тормыш, яңадан яңа җиңүләр телим. Иң изге теләкләр белән Кариле авылында туып үскән Таһир Әгъләмов. Чита шәһәре.