«Хезмәт» призы кемгә булыр

Бүген районыбызда традицион «Хезмәт» газетасы призына уза торган ярышларныӊ беренче көне тәмамланды. 4 зонада барган ярышларда «Норма»(Тимирязев исемендәге хуҗалык), «Нур» (Түнтәр авылы), «Зифа» (Смәел җирлеге) һәм Чепьядан «Вираж» командалары финалга чыктылар.

Уеннар 3 январь көнне 8-30да башланачак. Беренче булып бозга «Норма» һәм «Нур» командалары чыгачак. Сәгать 10 да «Зифа» һәм «Вираж» командалары 1-2 урын өчен көрәшәчәк тагы бер команданы ачыклаячаклар. Сәгать 12ләрдә өченче урын өчен уен билгеләнсә, финал уены сәгать 14-00 булыр, дип көтелә.

Барлык хоккей сөюче дусларыбызны балтач бистәсендә үзәк шугалакта көтеп калабыз.