Халык синоптигы: «Бик чишенеп бетмәгез, әле сыерчык бураннары булмады»
– Апрельдә 20 градус җылы булырга тиеш түгел әле ул. Әле бит сыерчык бураны да булмады. Менә күрерсез, булачак ул. Бу атна ахырында салкынайтып ала, – ди Әмир абый.
Көннәр кинәт җылытты. Әкренләп халык өске киемнәрен юкаракка алыштырып, кайберәүләр бөтенләй чишенә үк башлады. Балтач районының Яңгул авылында яшәүче халык синоптигы Әмир Шәрәфиев әле чишенеп бетмәскә куша.
– Апрельдә 20 градус җылы булырга тиеш түгел әле ул. Әле бит сыерчык бураны да булмады. Менә күрерсез, булачак ул. Бу атна ахырында салкынайтып ала, – ди Әмир абый.
Аның фикеренчә, әле май аенда ике тапкыр көннәр салкынайтасы бар. Беренчесе – 3 май тирәләрендә шомырт салкыннары булачак, икенчесе исә май ахырында көтелә. Анысында балан чәчәк атачак.
– Чын җәйне июнь башында көтегез. Ничек кенә җылы теләсәк тә, табигатьнең үз законы аның. Барыбер үзенчә эшли, – ди синоптик.
Синоптиклар фаразынча, 17нче һәм 18нче апрельдә явым-төшемнәр көтелми. 17се төнлә — 0-5 градус җылы, ә 18ендә 2 градус салкыннан 3 градуска кадәр җылы булачак. Көндезләрен 11-17 градуска кадәр җылы булыр дип көтелә. Ә киләсе атна башында төнлә 5 градуска кадәр салкын булачагы искәртелә.
Гөлгенә ШИҺАПОВА
Фото: веб-редактор
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев