Казанда Skills Bazaar ярминкәсе ачылды
Осталар ярминкәсе ачылышында Татарстанның мәгариф һәм фән министры Рафис Борһанов катнашты.
Татарстан Республикасының мәгариф һәм фән министры Рафис Борһанов Skills Bazaar ярминкәсен ачып җибәрде. Эшче компетенцияләр ярминкәсе Казанның Горки-Әмәт урманында уза.
“Миндә бик яхшы хисләр туды. Бүген без шәһәрдә яңа мәдәниятне гадәткә кертеп җибәрәбез. Әти-әниләрне дә, балаларны да эшче һөнәрләр фестиваленә чакырабыз. Бу эш алар булачак һөнәрләрен иртәрәк сайласын - профориентация булсын өчен кирәк”, - дип сөйләде журналистларга Рафис Борһанов.
Министр сүзләренчә, ул сәнәгатьче буларак, эретеп-ябыштыру һәм робот техникасы стендларын кызыксынып караган.
Skills Bazaar осталык ярминкәсе 2019 елда узачак WorldSkills һөнәри осталык буенча Дөнья чемпионатына әзерлек чараларының бер өлеше булып тора.
Чемпионат Казанда 22-27 августта узачак. Бу - Россия территориясендә уздырыла торган беренче шундый дөнья чемпионаты булачак.
Мәгълүмат «Татар-информ»нан алынды.
Фото: Регина Гумарова.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев