Табиблар Covid-19дан дәваланган татарстанлыларны плазма тапшырырга чакыра
Коронавирус белән авыручыларны вирустан сәламәтләнгән пациентларның плазмасы белән дәвалау методы Кытайда нәтиҗәле дип табылды.
Республика кан үзәге табиблары коронавирустан сәламәтләнгән Татарстан халкын, вирус йоктырганнарны дәвалау өчен, плазма тапшыруларын сорый. Алар Covid-19 белән көрәштә плазманың ярдәменә ышана.
«Коронавирус белән авыручыларны дәвалауның мондый алымы Кытайда үзен бик яхшы яктан күрсәтте. Бу алым нәтиҗәле дип танылды, шуннан соң Кытай табиблары аны Европага тәкъдим итә башлады», — дип сөйләде Республика кан үзәгенең оештыру-методик бүлеге табибы Елена Төхвәтуллина.
Сәламәтлегендә тайпылышлары булмаган 18 яшьтән өлкәнрәк татарстанлылар плазма доноры була ала.
«Коронавирус белән авырган донор плазма тапшырганнан соң, канны вируслардан азат итәчәкләр. Шул ук вакытта авыруларны дәвалау өчен кирәкле антитәнчекләр плазмада калачак», — дип аңлатты табиб.
Фото: архив/Александр Эшкинин
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев