8-тӥ июле 11. 00 часэ Кукмор районысь Киндер Куль (Спорткомплекс) гуртын удмуртъёслэн «Чакара» - Древние напевы удмуртов» фестивальзы ортчоз.
Та фестиваль вашкала фольклорлы узыр луись музъемысь потэ, Камсьӧр удмуртъёслэн вордскем музъемысьтызы - Башкортостан республикаысь. Та ужрад удмурт калыклэн традиционной крезьгураназ туж бадӟым инты басьтэ. Озьы ик, та арысен со, выжись ужрадлы пӧрмыса, ас кылдэм палъёсысьтыз Татарстанэ кӧче: туэез фестиваль Кукмор районын ортчыны кулэ.
Фестивальлэн валтӥсь ужпумез - фольклорлэсь вашкала палъёссэ будӥсь поколенилы выжтон но удмурт калыклэн сямъёсыныз, кылыныз, лулчеберетэныз тодматон понна луонлык кылдытон. Витиське Россилэн 14 регионысь куноослэн лыктэмзы.
Ужрадлэн программаяз пыртэмын фестивале пыриськись коллективъёслэн выступлениоссы но творческой но интерактивной площадкаос.
Татарстанысь Удмуртъёслэн вотэсбамысьтызы басьтыса берыктэмын.
Фото: m.finugor.com
Нет комментариев