«Нянь – асьмелэн узырлыкмы» (+фоторепортаж)

Ужрадэ ӧтемын вал анай-атайёс, песянай-песятайёс, комбайнёръёс, агрономъёс, «Дуслык» хозяйствоысь механизаторъёс. Солы дасямын вал та темалы сӥзем нимысьтыз адӟытон но папка.

Праздник кутскиз нянез данянысен но нянь будэтӥсьёсты ӟечкыланысен. Собере нылпиос веразы няньлэн кылдэмез сярысь, кыӵе солэн шӧмыз валляна дыръя вылэм, кызьы нянез данъяллям вашкала Русьын, озьы ик Быдӟым Отечественной ож дыръя (со минутъёсы ож лудын быремъёсты но буре вайимы). Куноосты дышетскисьёс пӧлын ортчытэм анкетированилэн йылпумъянъёсыныз тодматӥмы. Собере нылпиос но бадӟымъёс куспын тунсыко конкурсъёс ортчизы. Кылсярысь, соос люказы пазл, кудаз возьматэмын вал няньлэн ӝӧк вылэ вуон сюресэз. Одӥгаз конкурсын ю шепъёсысь тысьёсты ог-огзылэсь висъязы, кыӵе ю будос луэмзэс эскеризы (чабей яке йыды). Озьы ик пызен суредаськизы. Бадӟымъёс «Колобок» выжыкыллы инсценировка дасязы, зэмос актёрез бырйизы - со агроном Рафкат агай луиз. Визькылъёсты тодонэз эскерись конкурс но луиз. Нылпиосын дасям «книжка-малышка» шуэмъёсысь мадиськонъёсты но ӵектӥмы. Тужгес но тунсыко потӥз «Самой устоез шеф-повар» конкурс. Отын ӝог гинэ дасяны кулэ вал сухарилэсь сиён. «Самой устоез шеф-повар» нимен агроном Сергей Чириков пусйиськиз. Конкурсъёс дыръя люкаськем куноосыз «Нёжало шаере» удмурт кырӟанэн шумпоттӥз Кешишева Ангелина.

Ужрадлэн пумаз вань быдэстэм ужъёслы йылпумъянъёс лэсьтӥмы. Котькуд нылпилы, анай-атайёслы, проектэн кивалтӥсьлы та быдӟа уж лэсьтэмзы понна Рафкат агай бадӟым тау кариз. Озьы ик таукарон кылъёс верамын вал нянь будэтӥсьёслы но. Праздник йылпумъяськиз чай юонэн. Отчы пыжиськемъёссэс вайизы нылпиослэн семьяоссы (Евдокимовъёс, Кешишевъёс, Мамыковъёс, Матвеевъёс, Терентьевъёс, Папаевъёс).

Галина Евдокимова,
О.Н. Исаев нимо

Шор Кушкет шоръёзо

школаысь покчи к

лассъёсты дышетӥсь.