Покчи Лӧзя школаын «Милям - таза улон сям! Итӥське!» шуэм ним улсын флешмоб ортчем.
Та ужрадэз «Наз» центрысь социальной педагогъёс Гульшат Салахова но Наталья Закирова радъяллям. 6-тӥ класслэн кивалтӥсез Надежда Витальевна Зиатдинова но ужрадэз ортчытонэ бадӟым люкет пыртэм.
- Та ужрад егит поколение пӧлын таза улон сямез вӧлмытон вылысь ортчытӥськиз, - шуо флешмобез радъясьёс. Шумпотымон, Покчи Лӧзя школаын таза улон сямлы бадӟым саклык висъяло. Лымы усем бере ик куас вылэ султо, гужем туризмен выро - та ваньмыз дышетскисьёслэн асьсэ кичӧлтэмзыя ужаське. Соин но спортъя ужрадъёсын Покчи Лӧзя школаысь дышетскисьёс ялан вормонъёсы вутско.
Гульзида Газизуллина
Нет комментариев