Свияжск городэ экскурсия (+фоторепортаж)

Йылпумъяськиз дышетскон ар. Вуизы гужем каникулъёс. Котыр дуннеез адӟыны ӵапак дыр вуиз. Покчи Лӧзя школаысь 7А классын дышетскисьёс, классэн кивалтӥсенызы Егорова Вероника Вениаминовнаен но анай-атайёслэн комитетэнызы ӵош, Свияжск шормуӵ-городэ - ӟуч культуралэн но историлэн синпелетаз, Россиысь Поволжьелэн православной центраз тунсыко но пуштросо экскурсие ветлӥзы.

Отын ми Свияжсклэн история музеяз луимы. Милемыз паймытӥзы шер шедьылӥсь экспонатъёс, шормуӵ-карын улӥсьёслэсь, ремесленникъёслэсь улонзэс возьматӥсь панорамаос. Экскурсиез нуись тодматӥз милемыз Свияжсклэн вань тодмо интыосыныз, ӟуч зодчестволэн аспӧртэмлыко синпелетъёсыныз: воргоронъёслы Успенско-Богородицкой но нылкышноослы Иоанно-Предтеченской монастыръёсын. Средневековой Свияжсклэсь улэмзэ но ужан удысъёссэ возьматыса реконструкция карем «Ленивый Торжок» комплексын ми тунсыко программа адӟимы. Татын средневековой рыцарьёслэн доспехъёсазы дӥсяськыса утим: кольчугаос, шлемъёс, сапегъёс. Зэмос пукыӵен ыбылӥськонлэсь но палэнэ кыльыны ӧм быгатэ.

Ми данъяськиськом, Татарстанын сыӵе чебер, тунсыко но аспӧртэмлыко интыосын Свияжск кар вань шуыса!

Вероника Егорова,
Покчи Лӧзя школаысь дышетӥсь.