Бәрәңгене кайчан утыртабыз?

Бәрәңгене ашыгып утырмаска кирәк. Җир 10 см тирәнлектә +6 оС ка кадәр җылынырга тиеш. Бик сирәк кеше бакчада градусник тотып йөри. Бәрәңге утырту вакытын үсемлек һәм агачларның яфрак яру, чәчәк атуына карап билгеләргә була. Бәрәңге утырту өчен гомуми киңәш: аны каен яфрак ярмыйча утыртмаска кирәк, әмма шомырт чәчәк атканнан соңга калырга да ярамый. Урта полосада бу — 7-10 майга туры килә, 20 майдан да соңармагыз, июньдә эссе көннәр башлана, кайнар туфракта аңа шытып чыгу авырая.

Утырта торган бәрәңге тавык йомыркасы зурлыгында булырга тиеш.

Фото: Роза Нургалиева

Чыганак: "Ирек мәйданы бакча"