15 ноябрь көнне Габдулла Тукайның әдәби музеенда «Иделем акчарлагы» яшь язучылар бәйгесе җиңүчеләрен бүләкләделәр.
Татарстан Республикасы Яшьләр эшләре һәм спорт министрлыгы, «Идел» яшьләр үзәге 2000 елның 1 сентябреннән татар телендә иҗат итүче яшь язучылар, шагыйрьләр, драматурглар өчен тәүге тапкыр «Иделем акчарлагы» бәйгесен оештырып җибәрә. Ул традицион рәвештә ел саен уздырылып килә.
Каләм тибрәтүчеләр арасында сәләтле яшьләрне ачыклау, берләштерү, иҗади активлаштыру, яшь язучыларның иҗади мөмкинлекләрен чынга ашыру, үстерүгә шартлар булдыру максатында оештырылган бәйге җиңүчеләре арасында якташыбыз булу безнең өчен зур сөенеч.
XV «Иделем акчарлагы» яшь язучылар бәйгесе поэзия номинациясендә Гөлзилә Гафурова өченче урын яулады.
Фото: http://mc-idel.ru
Район тормышына кагылышлы иң мөһим яңалыкларны безнең Макс каналыннан да белә аласыз!
Нет комментариев