Концерт программасында мәдәни традицияләрнең һәм гореф-гадәтләрнең күптөрлелеген чагылдырган иҗади номерлар тәкъдим ителде
Пыжмара авыл мәдәният йорты хезмәткәрләре «Наз» тернәкләндерү бүлекчәсендә ял итүчеләргә «Игелек юлы» дигән концерт программасы тәкъдим итте.
Концерт программасында мәдәни традицияләрнең һәм гореф-гадәтләрнең күптөрлелеген чагылдырган иҗади номерлар тәкъдим ителде. Тамашачылар халык җырларын, биюләрне, шигърият үрнәкләрен һәм музыкаль чыгышларны сокланып кабул иттеләр. Һәр номер үзенең оригинальлеге һәм җылылыгы белән аерылып торды.
Тамашачылар күңелле һәм эчтәлекле чыгышлардан ләззәт алып рәхәтләнеп ял иттеләр. Залда хөкем сөргән җылы атмосфера, артистларның ихласлыгы һәм тамашачыларның актив реакциясе чараның уңышлы узганлыгын күрсәтте. Концерт тәмамлангач, күпләр рәхмәт сүзләрен җиткерделәр һәм мондый очрашуларны ешрак уздыру теләген белдерделәр.
Нет комментариев