Чапшар авылында түземсезлек белән көткән мәктәп-бакча бинасыныӊ төзелеше ахырына якынлаша. Ә шулай да төзүчеләр яӊа уку елына эшләрен тәмамларга өлгерерләрме, дигән сорау бик урынлы.
Төзелеш күләме артык зур булмаса да, объектныӊ уӊайсыз урында урнашуы күп авырлыклар тудырган. Иӊ башта сазлык булганлыктан, нигез асларына тимер-бетон свайлар сугылган, хәзер инде меӊ тоннага якын балчык мәктәп яны мәйданын тигезләү өчен ташылган. Бу социаль объектныӊ тапшыру срогы норматив нигезендә 30 сентябрь, дип куелган. Димәк, эшләр тулы күләмдә башкарылсын дисәк, бу очракта ашык-пошык 1 сентябрьгә өлгертик, дип эшләмичә, бәлки куелган вакытка исәп тотарга кирәктер.
Нет комментариев