Редакциябезгә Балтач таксичыларыннан зарланып бер абый шалтыратты.
- Сүзем Балтач таксичылары турында , аларны кем контрольли, нигә алар бернинди законнарга буйсынмыйлар? Кайберләре Балтач эчендә дә, Казанга барганда да, әйтерсең, самолетта оча. Ә бит алар кулында күпме кеше язмышы. Акрынрак йөрегезче, дип кисәтү дә ясап булмый. Кулларында телефон, һәрвакыт сөйләшәләр, нидер күзәтәләр, котларың оча ине барасы җиреңә барып җиткәнче, - ди.
Элеккеге автовокзал каршында таксиларның арткылы-буйлы урнашулары да, балтачлыларны бик борчый. Чөнки бер дә матур күренеш түгел бу, Балтачыбызны бизәми. Бу күренешләргә без ияләнгән инде, ә читтән килгән кешегә алар бик тиз күзгә ташлана. Игътибарлы булсак иде. Юлларда да исән-имин йөрик. Ашыкмыйк. Ялгышлар ясамыйк.
Нет комментариев