Быелгы җәйнең башка елларныкына ошамавы, көн дә күк йөзен каплап алган болытларның тагын нәрсә алып киләсен шүрләп каршы алуыбыз инде гадәти күренешкә әйләнде дисәм дә артык булмас.
Аллаһыга шөкер, быелгы җәйдә районыбызда әлегә кадәр зур давыллар күзәтелмәде, боз-кар да булмады. Ә менә Югары Ослан,Тәтеш, Яшел Үзән районнарында булган галәмәттән соң шаклар катарсың. Бүген биредә зур-зур бозлар явып, машина, йорт, биналарга зыян салган. Кар катламы юлларны каплаган. Инде быелгы җәйдән тагын нәрсәләр көтәсе калгандыр, шулай да хәвеф-хәтәрләр безне әйләнеп узсын, күкләребездә балкып кояш чыксын, җәй инде үз биләмәләренә хуҗа булсын иде дип телисе килә.
Нет комментариев