Хезмәт

Балтач районы

18+
2024 - Гаилә елы
Азьлане

Кузебай Гердлы — 125 ар

Тодмо удмурт гожъяськись, югдытӥсь но дышетӥсь, фольклорист но этнограф, кылчи но критик Кузьма Павлович Чайников 14-тӥ толшоре 1898-тӥ арын вордӥськиз.

Удмурт калыклэн дано пиезлэн нимыз но творчествоез туннэ нуналэ быдэс дуннелы тодмо. Али дыре Кузебай Гердлэсь нимзэ нулло Ижкарысь но Вавожысь урамъёс, Удмурт Элькунысь Йӧскалык музей, Йӧскалык гимназия. 2005-тӥ арын Йӧскалык музей азе солы синпелет усьтӥзы.

Кузебай Гердлэн улон но ужан сюресэз Балтась музъемын но Карлыган палан улӥсь удмуртъёсын, мукет сямен вераса, шошма удмуртъёсын но юн герӟаськемын. Малмыж уездысь калыкез дышетон отделын ужакуз, со уно пол вуылэм Ципья котырысь удмурт гуртъёсы, калык пӧлын дышетсконлэн кулэлыкез сярысь валэктон уж нуэмен ӵош, бадӟым саклык висъяллям та палась удмуртъёслэсь лулчеберетсэс эскеронлы но. Ӵапак солэн кичӧлтэмез улсын Ципьяын нырысетӥзэ возьматэмын вал удмурт спектакль. «Нылпи садъёс удмурт пушкын» шуыса нимам статьяяз но Ципья черкогуртлэн нимыз пусйиське. Автор Ципья черкогуртысь нылпи садэз мукетъёслы примере пуктэ, солэсь ужамзэ лыдэ басьтыны но адӟем карыны дэмла.

Дано удмурт кылбурчи вуылэм Мари-Турек ёросысь Ӟаны Починка (Карлыган) гуртэ но. Тодмо луэм со Кузьма Андреевич Андреевен — удмурт югдытӥсен, миссионерен, Карлыганысь удмурт дышетӥсьёсты дасясь Центральной удмурт школаез усьтӥсен. Нимаз ик шуныт кусыпъёс кылдӥллям Кузебай Герд но Кузьма Андреевичлэн Ольга нылыз куспын. Та сярысь «Инвожо» журналын потэм «К. Гердлэн гажано адямиез» шуыса нимаськем статьяяз гожтэ Фома Ермаков.

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Кузебай Герд 125 ар