Балтачта иң яхшы яшь юл хәрәкәте инспекторлары отрядларын һәм аларның җитәкчеләрен бүләкләделәр (фото)

«2023-2024 ел йомгаклары буенча иң яхшы яшь юл хәрәкәте инспекторлары отряды һәм иң яхшы отряд җитәкчесе» конкурсының бүләкләү чарасы узды.

Отряд җитәкчеләре арасында Балтач гимназиясеннән Равилә Шәрипова — беренче, Чепья урта мәктәбеннән Миләүшә Хрисанова — икенче, Балтач урта мәктәбеннән Гөлназ Зәйнуллина һәм Салавыч күппрофильле лицееннан Ранил Гыйләҗев өченче урын яуладылар.

Иң яхшы яшь юл хәрәкәте инспекторлары отрядлары арасында Балтач гимназиясе — беренче, Чепья урта мәктәбе — икенче, Балтач урта мәктәбе һәм Салавыч күппрофильле лицее өченче урынга лаек булды. Котлыйбыз!

Соңыннан чарада катнашучылар өчен Рәсәй күләмендә зур җиңүләр яулаган Салавыч күппрофильле лицееның яшь инспекторлары мастер-класслар күрсәтте.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.