Казанда Россия суверенитетын яклау турындагы күргәзмә ачылачак

12 февральдә «Юстиция тарихы» музей-мәгариф үзәгендә, Татарстан Республикасы Милли музее филиалында, дәүләт төзелешенең төп аспектына багышланган «Россия Дәүләтенең суверенитетын яклау: тарих һәм хәзерге заман» күргәзмәсе ачыла.

Оештыручылар – РФ Юстиция министрлыгы, Россия Тарихи Җәмгыяте һәм «Ватан»фонды.

Экспозиция суверенитет эволюциясен ачачак - аның 16 гасыр башында барлыкка килүеннән алып 20 гасырда БМО уставында беркетелүгә кадәр. Кунаклар дәүләтләрнең эчке эшләренә тыкшынмау турындагы күзаллауның ничек формалашуын; ни өчен утыз еллык сугыш Көнбатыш Европада суверенитетны раслауда борылыш мизгеле булуын; суверенитетны бозуның нинди формалар кабул итүен – ачык хәрби гамәлләрдән алып яшерен йогынты ысулларына кадәр (шпионаж, мәдәни йогынты һәм провокацияләр) беләчәкләр.

Күргәзмәләр залында ТР Милли музее җыентыгыннан скульптуралар тәкъдим ителәчәк. Федор Толстой ясаган 1812 елгы Ватан сугышы вакыйгаларына медальоннар сериясеннән барельефлар сайлап алынган. Классицизм рухында башкарылган эшләрдә Франциягә каршы сугыш вакыйгалары һәм чит ил походлары – «Березин янындагы сугыш», «Александрның Россиядән читкә беренче адымы», «Рейн аръягына күчү», «Бриен янындагы сугыш» һәм «Берлинны азат итү» сурәтләнгән.

XX гасыр күренекле сәясәт эшлеклеләре бюстлары аша чагылдырылган: Сергей Киров һәм Мулланур Вахитовның өстәл скульптуралары, студент Владимир Ульяновның скульптор Петр Макаров ясаган сыны һәм РСДРП Казан Комитеты секретаре һәм Америка Социалистик партиясе әгъзасы Василий Лихачев бюсты, Анатолий Григорьев эше.

Татар-информ