Татарстанда бер эшсезгә 14 вакансия туры килә

Республикада хәзер 50 меңнән артык буш эш урыны бар, ә рәсми рәвештә эшсезләр – нибары 3,7 мең кеше. Бу хакта Татарстанның Хезмәт министры Эльмира Зарипова сөйләде.

Аның сүзләренчә, эш эзләүче һәркемгә 14 вариант тәкъдим итә алалар. Соңгы атнада 1,5 мең яңа вакансия ачылды. Эшсезләрне эшкә урнаштырып кына калмыйлар, укырга да булышалар — яңадан укыту, квалификация күтәрү, икенче һөнәр тәкъдим итәләр.

Инвалидларны эшкә алучы компанияләр субсидияләр ала. Шулай ук дәүләт башка төбәкләрдән эшчеләр яллаучыларга ярдәм итә. Узган ел мондый ярдәмнән сигез компания файдаланган булса, агымдагы ел башыннан инде андыйлар саны җиде булган.

Казань КП