Хезмәттәшебез «Факел» клубында узган чираттагы мастер-класста катнашты

«Гаилә гәҗәеп галәм» проекты кысаларында «Факел» клубында мастер-класслар даими уза. Чираттагысында хезмәттәшебез Алсу Надршина улы Камил белән катнашты.

Әдилә Хәмитова җитәкчелегендә узган мастер-класста катнашучылар полимер балчыктан «Ночник — грибная поляна» ясадылар.

– Чара иҗади сәләтләрне үстерү һәм бергәләп ял итү өчен бер дигән мөмкинлек бирә. Мастер-класс бик кызыклы һәм файдалы узды, рәхмәт чараны оештыручыларга. «Факел» клубы коллективы киләчәктә дә мондый чараларны дәвам итсен иде, чөнки алар балаларның фантазиясен үстерә, буш вакытны файдалы үткәрергә мөмкинлек бирә. Ә иң иң мөһиме бала белән ана арасындагы дуслык җепләрен тагын да ныгыта,  – ди Алсу ханым.

Алсу Надршина фотолары