Укучыбыздан бик җайлы гына алма согы ясау рецепты
Быел алма бик уңды. Күпләр нишләтергә белми тилмерә. Сезнең игътибарга укучыбыз Гүзәлия Вәлиевадан алма согы рецепты тәкъдим итәбез.
12 л чиләкнең яртысыннан күбрәк итеп алмаларны турап, өстенә 7 л. кайнаган су агызып төнгә калдырыгыз. Иртән алманы сөзеп алып, шул суны кайнатып, кабат алмалар өстенә агызыгыз. Кич белән 3 л сокка 1 бокал шикәр комы салып, кайнатыгыз һәм стерильләштерелгән банкаларга тутырып, тимер капкач белән ябып, төреп куегыз. Нәкъ кибет согы кебек була. Эшләп карагыз әле, иренмәгез.
Нет комментариев