Авыл хуҗалыгы ярминкәләрендә татарстанлыларга 1 млрд сумлык продукция саттылар

Татарстанда сигез авыл хуҗалыгы ярминкәсендә гомуми бәясе 996,7 миллион сумлык продукция сатылган. Сәүдәгә 8956 автомобиль җәлеп ителгән, дип хәбәр итә республика авыл хуҗалыгы министрлыгы матбугат хезмәте.

Ведомствода билгеләп үтүләренчә, ярминкәләргә кертелә торган продукция күләме сизелерлек арткан. Аерым алганда, сыер ите — 16,4% ка, дуңгыз ите — 22% ка, казылык эшләнмәләре — 35,2% ка, он — 21,1% ка, каты сырлар — 23,9% ка, атланмай – 16,6% ка.

Моннан тыш, макарон ризыклары, ярмалар, балык, бал һәм яшелчәләр буенча арту теркәлә.

Вечерняя Казань