Балтачлылар табигый материалдан көзге чәчәк бәйләме ясадылар

Район социаль яклау бүлегенең гаиләгә һәм балаларга социаль ярдәм бүлекчәсе белгечләре көндезге төркемдә катнашучылар өчен «Табигый материалдан көзге чәчәк бәйләме»темасына иҗат дәресе үткәрделәр.

Дәреснең максаты – катнашучыларның иҗади сәләтләрен һәм эстетик зәвыгын үстерү, шулай ук сизгерлекне һәм сенсор көйләү күнекмәләрен яхшырту.

Композицияләр өчен материалларны катнашучылар көзге урманга узган поход вакытында ук җыйганнар иде. Дәреснең үзендә алар башта үз табышларын карадылар, аларны төсләргә һәм формаларга аердылар, ә аннары композицияләр җыйдылар. Һәр катнашучының үз гаҗәеп эше килеп чыкты. Мондый шөгыль вак моториканы, төсне һәм композицияне үстерергә генә түгел, гади әйберләрдә матурлыкны күрергә, табигатькә сакчыл карарга һәм уртак хезмәтнең кадерен белергә дә ярдәм итә.