Нинди чәй файдалырак?
Безнең татар халкы кара чәйне өстенрәк күрә, әмма яшел чәйнең сихәте зуррак, файдалы матдәләре күбрәк.
Ул зарарлы бактерияләрне үтерә, эч киткәндә аны уңышлы кулланалар.
Ике-өч көн торган яшел чәй төнәтмәсе эчәктәге черү процессларына юл куймый, эчәкләр ялкынсынуын бетерә.
Сөяк җилегендә кан ясалу процессына, бавырда канның оюын тизләтә торган аксым эшләнүенә, кан басымы югары булганда, буыннар сызлаганда, бөерләрнең кайбер дәвамлы авыруларын дәвалаганда аның шифасы тия.
Яшел чәй йөрәк мускулларына көч өсти, үт куыгын чистартырга ярдәм итә.
Яшел чәй эчкән кешеләр радиоактив нурланыш нәтиҗәләрен җиңелрәк кичерә.
Кытайдагы озын гомерлеләр аны сөт салып эчәргә яраталар. Авыруларны кисәтү өчен көненә 1 балкашык салып пешергән яшел чәй эчү бик җитә.
Автор:Зөһрә Исламова
Чыганагы: https://kiziltan.ru/articles/poleznoe/2022-01-18/nindi-ch-y-faydalyrak-2658562
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев