Тушенка ясыйбыз

Банкаларның (0,5 л., 0.7л.) төбенә 1 чәй калагы өебрәк тоз, 3-4 түгәрәк борыч, кечкенә генә лавр яфрагы салып чыктым, аннары ит салдым.

Олы кәстрүлнең төбенә юка сөлге җәеп банкаларны тездем дә, банкаларның «җилкәләренә» хәтлек салкын су салдым.

(Банка эченә су саласы түгел, ит үз согында пешә!!!). Кайнап чыккач, газны әкренәйтеп 3 сәгать ярым тоттым. Банкаларның өстенә тимер капкачларны салып куйдым.

Банкаларны ябар алдыннан сыйган кадәр туң май эретеп салдым.

Духовка куеп та ясап була, алай иткәндә итнең шулпасы нык әзәя, ә суда пешергәндә әзәйми.

Гөлнур Гарипова