16-тӥ июне Марат Готович Ахметовлы 60 арес тырмиз

Тӥ асьтэлэсь кузь но пайдаё ужан сюрестэс Балтась районын кутскыса, республикамылэн масштабаз вылӥ государственной кивалтӥсе вуытозь ӝутӥськем авторитето личность. Улондылэн бурдо, энергиен пачыл потыса улӥсь 23 арез милям районлы сӥземын. Колхозын пудо вордонъя огшоры специалист луыса ужан, районын самой сьӧре кылем колхозъёслэн одӥгеныз кивалтыса, сое азьмынӥсь хозяйствоослэн радазы султытон, райкомлэн кыкетӥ секретарезлэн, нырысетӥ секретарезлэн, калык депутатъёслэн район Советсылэн председателезлэн постъёсазы ужаса, районлэн главаез дорозь ӝутскон - тани кыӵе этапъёс со ньылмос даурлы матын улон сюресын. Со аръёслэн котькуд нуналыз огшоры ужась адямиос пӧлын тыршыса, соослэн нуналъем сюлмаськонъёсынызы, ӟечезлы кыстӥськонэнызы тырмемын. Жадёнэз валатэк утчаськон, ужась коллективъёсын луон, калыкен ялан вераськон, соосты яратон но валаны быгатон, соослэсь котькуд куронзэс, инициативазэс умоен лыдъяса улонэ пыӵатыны юрттон - котьку Тӥляд уждылэн валтӥсь принципез луиз. Тӥни соин ик Тӥ кивалтон аръёсы районын улӥсьёс пӧлысь туж усто специалистъёс, гурт хозяйствоен кивалтӥсьёс, ужысь азьмынӥсьёс, новаторъёс потӥзы. Та дыре гуртын улӥсьёслэн уно гинэ проблемаоссы быдэстӥськизы - районмылэн котькуд гуртаз, котькуд корказ газ пыриз, гуртъёсмы районлэн но республикалэн центръёсынызы асфальт сюресъёсын герӟаськизы, дасо туала социальной объектъёс лэсьтӥськизы, калыкез социальной утёнъя бадӟымесь но бервыло ужпумъёс улонэ пыӵазы. Производствоя удысъёс азинскон сюресэ султӥзы - Балтась район республикаын азьмынӥсьёслэн радазы султӥз. Районмылэн историез таӵе темпъёсын азинскем дырзэ уг тоды. Таӵе азинсконъёслэсь странаямы огыр-бугыр луон, куашкаса мынон, секыт вакытэ луэмзэс лыдэ басьтоно ке, талы вутскон понна, районмылэн кивалтӥсез луэмысьтыды, Тӥлесьтыд кыӵе ответственность, сюлэм шуныт, пуш энергия куриськемез валаны секыт ӧвӧл. Тани та понна но Тӥ Балтась калыклы матын луиды. Районын улӥсьёс понна Тӥ оскымон наставник но юн пыкет луиды. Азьло дыре Тӥледын ӵош ужам, Тӥляд юрттэменыды ужан сюресэ султэм поколениысь адямиос со дырез тужгес но шудо вал шуыса мӧзмыса тодазы ваё. Соин но милям та ӟечкыланъёсмылэн, ӟеч мылкыд каронъёсмылэн сюлэм шунытэн тырмытэм луэмзэс валалоды шуыса малпасько. Бадӟым тау Тӥледлы, ваньмыз понна но!

Тани дас вить ар ӵоже ини Тӥ республикамылэн улонэзлэн самой секыт, сюлэмшугъяськытӥсь удысэныз кивалтӥськоды - Тӥ Татарстан Республикалэн Премьер-министрезлэн воштӥсез, Гурт хозяйствоя но сиён-юонъя министрез. Та вылӥ постын но Тӥ республикамылэсь авторитетсэ ӝутон, производственной потенциалзэ будэтон, гурт хозяйствоысь продуктъёсты поттонлэсь огсыр азинсконзэ обеспечить карон ӧрын паськыт масштабъем бервыло уж нуиськоды. Нош со аръёслэн одӥгез но экономика, политика ласянь но, инкуазь условиос ласянь но огшоры гинэ ӧз луэ. Тӥляд адямиосты валаны, бадӟымесь ужпумъёсты быдэстыны мылкыдзэс ӝутыны тодэмды, Балтасьын ужан аръёсы люкам узыр опытты туннэ бадӟым ужын чебересь бервылъёсы вутскемлэн пайдаё инъетэз луэм, дыр, шуыса малпасько.

Тани та сюрс пӧртэм сюлмаськонъёсын тырмем ужан вакытады но Тӥ Балтась районэз - асьтэлэсь ужаны кутскем улостэс уд вунэтӥське, сое матын кариськоды, кенешъёсыныды, юрттэтэныды, шуныт кусыпъёсыныды милесьтым мылкыдмес ӝутыса улӥськоды. Милям туннэ ужысь азинсконъёсамы но Тӥляд сюлэм шунытты вань. Балтасьёс тае шӧдо но вылӥ ответственностез валаса тыршо, ужын вылӥ бервылъёсы вутско. Таиз понна нош одӥг пол бадӟым тау Тӥледлы!

Ми Тӥледыз патриот сюлэмо тодмо личность, усто мызганчи, нокинлэсь но сюлэмзэ мылкыдтэм кельтӥсьтэм кырӟась шуыса но тодӥськомы, Сабантуйёсын, авторитето турниръёсын нюръяськыса вормись луэм аръёстэс но ум вунэтӥське.

Гажано Марат Готович! Туннэ Тӥледлы 60 арес. Улонлэн малпаськытӥсь, мӧзмытӥсь но выльысь пужалляськыса бадӟымесь ужъёс борды басьтӥськыны кулэ луэмез сярысь, улонлэн котькуд минутэзлэсь дуно луэмзэ тодэ уськытӥсь нуналъёс. Кема, ортчемез кадь ик шудо но ӟеч улон мылкыд кариськом Тӥледлы. Семьяяды тупаса улон, эшъёстылэн ӟеч мылкыдзы, сюлэм шунытсы, тазалык сюресчи мед луозы Тӥледлы!