27 шуркынмон — Удмурт кыллэн нуналэз

Нырысетӥзэ со ортчиз 27-тӥ шуркынмонэ 2018-тӥ арын. Туэ со витетӥзэ пусйиське ини.

Тодады вайытӥськом, Удмурт кыллэсь нуналзэ пусъён понна 27-тӥ шуркынмон юнме быръемын ӧвӧл шуыса. Ӵапак та нуналэ 2001-тӥ арын «Удмурт Элькунысь кун кылъёс но Удмурт Элькунын улӥсь мукет калыкъёслэн кылъёссы сярысь» кат юнматэмын. Соя удмурт кыл Удмуртиын кун кыл инлык басьтӥз.

Ӟечкыласьком дуннеысь вань удмуртъёсты но удмурт кылэз гажась адямиосты та дано нуналэн — Удмурт кыллэн дунневыл нуналэныз! Кузь медло гумырыз анай кылмылэн, мед чузъяськозы жингрес удмурт кылъёс быдэс дуннеын!