Балтасьёс — элькун «Гырон быдтонын»
27-тӥ инвожое Мамадыш ёросысь Пойкино черкогуртын удмурт лулчеберетлы сӥзем элькун праздник — «Гырон быдтон» — ортчиз.
Праздник Татарстанлэн пӧртэм сэрегъёсысьтыз но бускель улосвылъёсысь 2 сюрс пала куноосты люказ. Празднике пыриськисьёс пӧлын вал асьме ёросысьтымы самодеятельной коллективъёс но: Балтась лулчеберетъя центрысь Антон но Андрей Камаев агай-вынъёслэн дуэтсы, Покчи Лӧзя лулчеберетъя юртысь «Вуюись» фольклор коллектив, Ципья лулчеберетъя юртысь «Зангари» удмурт фольклор ансамбль, Ӟаны лулчеберетъя юртысь «Шулдыр ӝыт» удмурт калык фольклор ансамбль но Вуж Кушкет клубысь «Чибори» ансамбль. Вань коллективъёс празднике пыриськемзы понна дипломъёсын пусъемын вал.
Ӟаныысь Апакова Лиана но Кисальысь Игнатьев Андрей «Чеберина но Батыр» элькун конкурсэ пыриськизы но II-тӥ степенё дипломъёсын но коньдон сертификатэн пусйиськизы.
«Арган кырӟа» элькун конкурсэ но асьмелэнъёс пыриськизы. Камаев агай-вынъёс но Арсений Михайлов 3-тӥ инты басьтӥзы, Алексей Павлов пыриськись луыса пусйиськиз.
Эшшо одӥгез шумпотымон ивор — Карек-Серма гуртысь клублэн кивалтӥсезлы Никитина Зоя Михайловналы лулчеберетэз азинтон удысэ пыртэм люкетэз понна Татарстан Элькунлэн Лулчеберетъя министерствоезлэн Данъян грамотаез сётэмын.
Ӟечкыласьком!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев