Азьлане
Бусы ужъёслэн мынэмзы
25-тӥ августлы планын чаклам 29944 гектарысь юослэн 22236 гектарез октыса басьтэмын.
Планлэн быдэсмемез - 74 процент. «Алга» - 1018, «Якты юл» - 1270, «Игенче» - 2079, «Смаиль» - 750, «Активист» - 960, «Арбор» - 742, «Яна тормыш» - 1270 гектарысь юосты октыса, планъёссэс 88-78 процентлы быдэстӥзы. Итымъёсы ваньзэ 72931 тонна ю тысь бертӥз, солэн 5 сюрс тонналэсь уноез 25-тӥ августэ кутсамын. «Кызыл юл», «Яна тормыш» хозяйствоосысь комбайнёръёс ортчемаз воскресенье нуналэ быдэн 400 тонналэсь трос ю тысь кутсазы. «Труд», «Игенче», «Якты юл», «Дуслык» хозяйствоосын но быдэн 300 тонналэсь уно ю тысь кутсазы. Та дырозь самой вылӥ урожай (гектарысьтыз 45 центнерен) «Татарстан» хозяйствоын люкамын. Та лыдпус «Яна тормышын» - 44, «Дуслыкын» - 37,9, «Арборын» - 36,4, «Соснаын» - 35,9, «Кызыл юлын» 35 центнер.
Районъя туэ кизьыны чаклам 11917 гектар озимой культураослэн 4213 гектарез киземын ини. Татчы самой бадӟым люкет Тимирязев нимо (409 гектар), «Татарстан» (356), «Якты юл», «Сосна» (быдэн 320 гектар) хозяйствоосысь механизаторъёс пыртӥзы. Тукай нимо, «Уныш» хозяйствоосын кизем площадьёс та дырозь но ӧвӧл шуымон.
Кын улэ гыроно 42539 гектар музъемъёслэн 11955 гектарез гыремын. «Соснаын» - 1106, «Якты юлын» - 960, «Сурнайын», «Яна тормышын» быдэн 940 гектар музъем кын улэ гыремын. «Бурбашын» вань кадь бусыосты муромытыса гыро. Таӵе амалэз «Труд» хозяйствоын но куто.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев