Июньлэн кутсконаз Ӟаны культура юртын «Гырон быдтон» праздникез ортчытонлы сӥзем кенешон ортчиз. Та ужрадэ Балтась районысь исполкомлэн кивалтӥсезлэн воштӥсез Ильгам Фидаилевич Гайнутдинов но пыриськиз.
Озьыен, «Гырон быдтонэз» ортчытоно каризы 17 июне Ӟаны гуртысь вуж школалэн спортивной площадкаяз. Удмурт лулчеберетлэн праздникез кутскоз 10.00 часэн.
- «Гырон быдтон» - со пӧртэм поколениосты, пӧртэм нациысь калыкъёсты герӟась праздник. Соин но та ужрад вылӥ уровеньын ортчыны кулэ, - пусйиз Балтась удмуртъёслэн «Кенеш» НКА-зылэн правлениезлэн председателез Леонид Дмитриевич Сапожников.
Удмурт сям-йылолъёсын герӟаськем праздникез котьку сямен бусы ужъёс йылпумъяськем бере ортчыто. Асьме ёросын «Гырон быдтон» район масштабен кыкетӥзэ ортчытӥське.
Нет комментариев